Kovara Vîn ku kovareke ramanî û wêjeyî ye bi hejmara xwe ya duyem derket pêşberî xwîneran. Di vê hejmarê de ji wêjeya Kurdî û cîhanê gellek berhem hene. Berhemên bi Kirmanckî, Kurmancî û Soranî rûpelên kovarê xemilandine.
Hejmara duyem a kovara Vînê li ser malpera kovarê ( www.kovaravin.com ) hat weşandin. Kovara dijîtal bi naveroka xwe ya dewlemend balê dikşîne. Di vê hejmarê de jî
berhemên Kirmanckî, Kurmancî û Soranî hene û alfabeya kovarê Latînî ye.
Di hejmara duyem a Vînê de îmzeyên gellek navan li ser berhem, hevpeyvîn û wergeran hene ku ev in: Asya Xerzan, Aydin Ekîn, Azad Kaysadu, Berken Bereh, Dîna Sîrwan, Donald Barthelme, Fabián Espejel, Fevzî Ozluer, Haden Oz, Hevî Xebar, Îbrahîm Şêxşerefî, Jamaica Kincaid, Jiyar Homer, Kawa Nemir, Lokman Ayebe, Lorîn Demirel, Luis Cernuda, Margarete Beutler, Mary Oliver, Noëlle Revaz, Netîce Altun Demir, Rostem Axale, Sayo Receb, Selaheddîn Bayezîdî, Selîm Temo, Sevgî Sariyildiz, Sîbel Akman, Sylvia Plath, Şallaw Hebîbe, Şerîf Kaya, William Butler Yeats, William Shakespeare û Yunus Karakoyun.
"Kovara Vîn di beşa “Vîndank”ê de Faîq Bucak, Mîr Celadet Alî Bedir-Xan û Qedrîcan bibîr aniye. Di beşa “HevpeyVîn”ê de Lokman Ayebe bûye mêvanê kovarê. Di beşa “Belgedank”ê de Sedat Ulugana, cî daye belavokeke Xoybûnê ku dîroka wê 9ê Tîrmeha 1930 ye."
Di kovarê de ji Almanî, Îngilîzî, Fransî û Spanyolî werger hatine kirin. Donald Barthelme, Fabián Espejel, Jamaica Kincaid, Luis Cernuda, Margarete Beutler, Mary Oliver, Margarete Beutler, Noëlle Revaz, Sylvia Plath, William Butler Yeats û William Shakespeare mêvanên kovarê yên ji wêjeya cîhanê ne.
