Nivîskar û akedemîsyenê Kurd yê naskirî Selîm Temo, di 19ê meha Sibatê li Almanya bi qirîzê dil re rûbirû mabû. Temo rakiribûn nexweşxaneyê û hatibû emeliyat kirin.
Malbata Selîm Temo di derbarê rewşa dawî de, li ser hesabê nivîskar Temo yê fermî ê X (Twitter) daxuyaniyakek belav kir.
Daxuyanî weha ye;
“Daxuyaniya jêrîn li ser navê malbata Selim Temo bi rêya hesabê X hate weşandin:
Ji bo dost û hevalan, Kekê me Selîm Temo 19ê Sibatê de, saet li dora 6ê sibê qeyrana dil derbas dike. Hevalên wî yên malava Hasan Sağlam û keça wî Berfîn bi seyarê wî radikin Nexweşxaneya Leverkusen Klinikumê. Li wir doktor wî hildidin ameliyatê û sê stend lê dixin. Li gor şîroveya pêşî rewş giran dixuye. Niha di bin muşehadeyê de ye û di pey re dê derxin serwîsê. Niha li ser hişê xwe ye. Ji malbatê û ji hevalan kes hene li dorê û alaqedar dibin. Dibe ku îro destûra dîtinê jî bidin. Doktorên nexweşxaneyê dibêjin ku pêla giran derbas kiriye û li bendê ne ku roj bi roj baştir bibe. Dibêjin ku mimkun e ku em nexweşî hefteyek deh roj bikin mêvan. Em wek malbata Selîm Temo spasiya hevalan, dostan û xemxwuran dikin. Silavên wî jî li we hene.
Roja we xweş be.”
